വടവുകോട്
ബ്ലോക്ക് പഞ്ചായത്ത്

മധ്യകേരളത്തിൽ അറബിക്കടലിന് ഏകദേശം 32 കിലോമീറ്റർ കിഴക്കു മാറി മലനാടിനോട് അടുത്തുള്ള ഇടനാടൻ പ്രദേശമായ വടവുകോട് ബ്ലോക്ക് പഞ്ചായത്ത് എറണാകുളം ജില്ലയിൽ കുന്നത്തുനാട് താലൂക്കിലാണ് സ്ഥിതി ചെയ്യുന്നത്. 185.95 ചതുരശ്ര കിലോമീറ്റർ വിസ്തീർണ്ണമുള്ള വടവുകോട് ബ്ലോക്ക് പഞ്ചായത്തിന്റെ വടക്കുഭാഗത്ത് കൂവപ്പടി ബ്ലോക്ക് പഞ്ചായത്ത് പരിധിയിലുള്ള രായമംഗലം ഗ്രാമപഞ്ചായത്തും വാഴക്കുളം ബ്ലോക്ക് പഞ്ചായത്ത് പരിധിയിലുള്ള കിഴക്കമ്പലം, വെങ്ങോല ഗ്രാമപഞ്ചായത്തുകളും, കിഴക്കുഭാഗത്ത് മൂവാറ്റുപുഴ ബ്ലോക്ക് പഞ്ചായത്ത് പരിധിയിലുള്ള വാളകം, പായിപ്ര ഗ്രാമപഞ്ചായത്തുകളും, തെക്കുഭാഗത്ത് മുളന്തുരുത്തി ബ്ലോക്ക് പഞ്ചായത്ത് പരിധിയിലുള്ള ചോറ്റാനിക്കര ഗ്രാമപഞ്ചായത്തും മൂവാറ്റുപുഴ ബ്ലോക്ക് പഞ്ചായത്ത് പരിധിയിലുള്ള രാമമംഗലം ഗ്രാമപഞ്ചായത്തും, പടിഞ്ഞാറുഭാഗത്ത് തൃക്കാക്കര,തൃപ്പൂണിത്തുറ മുനിസിപ്പാലിറ്റികളും അതിരുകളായി സ്ഥിതി ചെയ്യുന്നു....